“АҠМУЛЛА”, журнал

“АҠМУЛЛА”, рәсемле сатирик-юмористик журнал. Нәшер итеүсеһе — Х.Ғ.Ғәниев. 1911 й. июленән 1916 й. ғинуарына тиклем Ырымбур губернаһы Троицк ҡ. айына 2 тапҡыр төрки телендә сыға. Х.Сосновскийҙың “Энергия” типографияһында баҫтырыла. Баҫма биттәрендә Ш.Бабич, Я.Ғ.Йомаев, К.Ҡәрипов һ.б. сатирик һәм юмористик әҫәрҙәре донъя күрә.

 Әҙәб.: Х ө с ә й е н о в Ғ.Б. Башҡорт халҡының рухи донъяһы=Духовный мир башкирского народа. Өфө, 2003; Г и м а д и е в У.И. Сила сатирического слова: роль и значение татарских сатирических журналов дооктябрьского периода в развитии национальной литературы. Казань, 1987.

Тәрж. Р.М.Шәрипова