АҘНАҒОЛОВ Рафаил Ғәйнетдин улы
АҘНАҒОЛОВ Рафаил Ғәйнетдин улы (13.2.1941, Чкалов өлкәһе Үрге Үтәғол а. — 23.1.2015, Өфө ҡ.), тел белгесе, педагог-методист. Педагогия фәндәре докторы (2004), профессор (2009). БР‑ҙың атҡаҙанған халыҡ мәғарифы хеҙмәткәре (1998). Яҙыусылар союзы ағзаһы (2005). БДУ‑ны тамамлаған (1968). 1972 й. алып ТТӘИ‑лә эшләй, 1978 й. башлап Милли мәғариф проблемалары институтының Башҡортостан филиалының өлкән һәм төп ғилми хеҙмәткәре, 2004—15 йй. БДУ‑ла уҡыта. Фәнни хеҙмәттәре диалектология, лексикография һәм башҡ. телен уҡытыу методикаһына арналған. Башҡорт теленең орфография (1998), башҡортса-урыҫса мәктәп (2003) һүҙлектәрен төҙөүсе.
Хеҙм.: Диалект шарттарында башҡорт телен уҡытыу методикаһы. Өфө, 1991; Уҡыусы шәхесен үҫтереүҙең лингво-дидактик нигеҙҙәре. Өфө, 2001; Йәйғор төҫтәре (ижади портреттар). Өфө, 2011.
М.В.Зәйнуллин
Тәрж. Р.М.Шәрипова