АГЕЕВ Әнүәр Ғабдулла улы

АГЕЕВ Әнүәр Ғабдулла улы (14.7.1947, Коми АССР‑ының Ижма ҡсб), тренер. Еңел атлетика буйынса Рәсәйҙең атҡаҙанған тренеры (1992), бөтә Рәсәй категориялы судья (2020). БР‑ҙың атҡаҙанған физик культура хеҙмәткәре (2008), РФ‑тың физик культура отличнигы (1998). П.Ф.Лесгафт исемендәге Ленинград физик культура институтын тамамлаған (1973). 1969 й. алып Өфө ҡ. эшләй: 2‑се ДЮСШ‑ы тренеры, “Спартак” ирекле спорт йәмғиәтенең еңел атлетика буйынса ДЮСШ директоры һәм уҡыу‑спорт бүлеге мөдире, 1988 й. башлап СССР һәм 1991 й. — Рәсәй йыйылма командалары тренеры, 1999 й. — БР‑ҙың Юғары спорт оҫталығы мәктәбенең инструктор-методисы, 2009 й. — 21‑се ДЮСШ‑ының тренер‑уҡытыусыһы. 2019 й. алып еңел атлетика буйынса Өфө районы ДЮСШ‑ы тренеры. Тәрбиәләнеүселәре араһында Р.М.Буранғолова, шулай уҡ 10‑дан ашыу СССР һәм Рәсәй спорт мастеры.

Тәрж. Г.Ҡ.Ҡунафина