БОҒОРОСЛАН БИҪТӘҺЕ
БОҒОРОСЛАН БИҪТӘҺЕ, 1748 й. Нуғай даруғаһы Ҡыпсаҡ улусы башҡорттарының аҫаба ерҙәрендә Оло Кинәле й. уң ярында уға Тарханка й. ҡойған ерҙә нигеҙ һалына. Биҫтәгә дәүләт крәҫтиәндәре, отставкалағы түбән дәрәжәле хәрбиҙәр, һөргөнгә ебәрелгән, күсеп килгән кешеләр урынлаштырыла. Халыҡтың төп кәсебе йәшелсәселек һәм умартасылыҡ була. Йыл һайын яҙын (Пасханан бер аҙна алда) һәм көҙөн (1—7 сент.) йәрминкәләр үткәрелә. Крәҫтиәндәр һуғышы (1773—75) осоронда Б.б. 1774 й. февр. тиклем Ырымбур губернаһының баш күтәреүселәр хәрәкәте үҙәктәренең береһе була. Биҫтә халҡының төп өлөшө Г.Д.Давыдовтың баш күтәреүсе отрядына инә. Б.б. Берда баш күтәреүселәр үҙәгенә 1 мең сирек тирәһе иген оҙатыла. Өфө наместниклығын ойоштороу т‑дағы 1781 й. указға ярашлы, Б.б. өйәҙ ҡалаһы (ҡара: Боғорослан) статусын ала һәм Боғорослан өйәҙенең үҙәгенә әүерелә.
Н.М.Ҡолбахтин
Тәрж. Д.К.Үзбәков