СТУЛОВА Ольга Петровна

СТУЛОВА Ольга Петровна (11.6.1915, Әстерхан губернаһы Үрге Баҫҡынсаҡ станцияһы ҡсб — 11.3.1995, Өфө ҡ.), морфолог. Биология фәндәре докторы (1969), профессор (1971). Һарытау университетын тамамлағандан һуң (1937) Бөтә Союз иген хужалығы институтында (Һарытау ҡ.), 1939 й. алып Куйбышев медицина институтында, 1962 й. — ауыл хужалығы институтында (1969 й. башлап хайуандар анатомияһы һәм физиологияһы кафедраһы мөдире) эшләй; 1978 й. алып БДУ‑ла уҡыта (1980—85 йй. зоология кафедраһы мөдире). Фәнни эшмәкәрлеге кешенең һәм ҡайһы бер хайуандарҙың депрессор нервыларын өйрәнеүгә, депрессор һәм арҡа мейеһендә барлыҡҡа килеүсе афферент үткәргестәрҙе йөрәк өлкәләре һәм ҡатламдары буйынса бүлеүгә, имеҙеүселәрҙең гиҙеүсе нервыһының топографияһына арналған.

  Хеҙм.: Полисегментность в спинно‑мозговой иннервации сердца — как компенсаторно‑приспособительный механизм //IX Всесоюзный съезд анатомов, гистологов и эмбриологов. Минск, 1981.

М.Ғ.Баянов

Тәрж. Г.А.Миһранова