СЕРГЕЕВА Клавдия Алексеевна

СЕРГЕЕВА Клавдия Алексеевна (17.4.1913, Һарытау губернаһы Ртищево а. — ?), үҫемлектәр физиологы. Биология фәндәре докторы (1971). БАССР‑ҙың атҡаҙанған фән эшмәкәре (1973). Һарытау университетын тамамлағандан һуң (1936) Уҡытыусылар институтында (Балашов ҡ.) эшләй, 1939 й. алып һәм 1943 й. Фирғәнә педагогия институтында, 1942 й. — 4‑се Мәскәү медицина институтында (Фирғәнә ҡ.); 1944 й. башлап Ртищево ит комбинатында (лаборатория мөдире), 1946 й. — Никита ботаника баҡсаһында (Ялта ҡ.). 1955 й. алып Биология институтында (1960—78 йй. өлкән ғилми хеҙмәткәр). Фәнни эшмәкәрлеге үҫемлектәрҙең яраҡһыҙ тупраҡ-климат шарттарына бирешмәгәнен, Башҡортостан ағас үҫемлектәренең морфо-физиологик яҡтан даими ҡабатланып тороуын һәм ҡышҡа сыҙамлы булыуын өйрәнеүгә, емеш культураларының рациональ агротехникаһы нигеҙҙәрен эшләүгә арналған. С. тарафынан үҫемлек күҙәнәктәре протоплазмаһының түбән температураға бирешмәүенең биохимик механизмдары өйрәнелгән.

   Хеҙм.: Физиологические и биохимические основы зимостойкости древесных растений. М., 1971.

С.Е.Кучеров

Тәрж. Г.А.Миһранова