Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

АҒИҘЕЛ, ҡала

Просмотров: 1440

АҒИҘЕЛ, БР‑ҙағы ҡала. Өфөнән төньяҡ-көнбайышҡа 250 км һәм Яңауыл т. юл ст. көньяҡ-көнбайышҡа табан 100 км алыҫлыҡта Ағиҙел й. буйында урынлашҡан. Майҙаны — 53 км2. Халҡы (мең кеше): 1980 й. — 0,8; 1989 — 16,8; 2002 — 18,7; 2010 — 16,3. Милли составы (2002): башҡорттар 41,7%, урыҫтар 35,7%, татарҙар 14,8%.

А. ҡара төҫтәге нефть продукттарының нефть терминалы, “Джут-СТ” ЯСЙ (силикат кирбес етештереү), “Терминал-Ағиҙел” ЯАЙ һ.б. эшләй. Ҡалаға тиклем Горький т. юлының Ағиҙел—Әмзә тармағы үткәрелгән, Ағиҙел—Арлан автоюлы ҡаланы Дүртөйлө—Нефтекама автомобиль юлы м‑н тоташтыра. А. — Ағиҙел й. пристань. Ҡалала Өфө яғыулыҡ-энергетика колледжы филиалы, һөнәрселек лицейы, 2 дөйөм белем биреү мәктәбе, гимназия, 2 мәктәпкәсә белем биреү учреждениеһы, Өҫтәмә белем биреү үҙәге, балалар сәнғәт мәктәбе, ДЮСШ; ҡала дауаханаһы, 2 китапхана, сиркәү, “Нур” мәсете бар. 3 халыҡ һәм 3 өлгөлө үҙешмәкәр сәнғәт коллективы эшләй. “Огни Агидели” гәз. сыға.

1980 й. БАССР‑ҙың Краснокама р‑нында Башҡ‑н АЭС‑ын төҙөгән ваҡытта эшселәр ҡасабаһы булараҡ нигеҙ һалына; А. эсенә Яңы Таҡталасыҡ аинә. 1984 й. алып ҡала тибындағы ҡасаба, 1991 й. — ҡала. 1996—2003 йй. ирекле иҡтисади зона статусына эйә була. А. эргәһендә Иҫке Ҡабан торамаһы һәм Иҫке Ҡабан ҡәберлеге урынлашҡан.

Ғ.Ә.Ғафаров

Тәрж. Г.Ҡ.Ҡунафина

Карта города


 

Дата публикации: 10.10.2019
Дата последнего обновления публикации: 18.10.2019