БАЙҠЫ РАЙОНЫ
БАЙҠЫ РАЙОНЫ, БАССР‑ҙың төньяғында урынлашҡан, төньяҡта — Асҡын, көнсығышта — Дыуан, көньяҡта — Благовещен, Иҫке Күл, көнбайышта Мишкә, Иҫке Балтас р‑ндары м‑н сиктәш булған. 1930 й. 20 авг. ойошторолған (ҡара: Административ район). 1932 й. 20 февр. бөтөрөлгән, терр‑яһы Ҡариҙел р‑ны составына индерелгән. Майҙаны — 3750 км2. Район үҙәге — Байҡы ауылы. Районда 25 ауыл советы, 140 ауыл торама пункты булған. Халҡы — 43,9 мең кеше (1930), күпселек урыҫтар йәшәгән. Иҡт. нигеҙен ит-һөт йүнәлешле һыйыр малы, сусҡа үрсетеүгә, иген культуралары һәм мал аҙығы культуралары үҫтереүгә махсуслашҡан а.х. тәшкил иткән. 39 дөйөм белем биреү мәктәбе, үҙәк район дауаханаһы булған.
Л.А.Маркелова
Тәрж. Г.Ҡ.Ҡунафина