БЕЛОВ Фёдор Иванович
БЕЛОВ Фёдор Иванович (20.2.1920, АСБР‑ҙың Тамъян-Ҡатай кантоны Түбәнге Әүжән‑Петровск Заводы а., хәҙ. БР‑ҙың Белорет р‑ны Түбәнге Әүжән а., — 27.5.1979, Сибай ҡ.), Советтар Союзы Геройы (1945). Б.В. һуғышында ҡатнашыусы. ВКП(б)‑ның Башҡ‑н өлкә ком‑ты эргәһендәге ике йыллыҡ Өлкә партия мәктәбен тамамлаған (Өфө, 1948). 1942 й. июленән Волхов, Воронеж, Ялан, 2‑се һәм 1‑се Украина фронттарында хеҙмәт итә. Герой исеменә 214‑се Кременчуг-Александрия уҡсылар дивизияһы 683‑сө артиллерия полкының орудие ком. өлкән сержант Б. 1945 й. 26 ғин. Олау ҡ. (Германия) янында Одер й. аша сыҡҡанда һәм һул ярҙағы плацдармды һаҡлап алып ҡалыуҙа күрһәткән батырлығы өсөн лайыҡ була. 1945 й. демобилизациялана. 1948 й. алып Көньяҡ Урал т. юлы Ҡарталы бүлексәһе Магнитогорск—Сибай участкаһының сәйәси бүлек б‑са нач. урынбаҫары, Башҡ‑н баҡыр- көкөрт комбинатының (Сибай) граждандар оборонаһы нач., мастеры. Ленин (1945), 1‑се дәрәжә Ватан һуғышы (1945), Ҡыҙыл Йондоҙ (1943) орд. м‑н бүләкләнгән. Сибайҙағы урамға Б. исеме бирелгән.
И.Ғ.Кәримова
Тәрж. Ә.Н.Аҡбутина