ТАРУТ
526
ТАРУТ (Мilium), ҡыяҡлылар ғаиләһенә ҡараған үҫемлек заты. 7 төрө билдәле, Төньяҡ ярымшарҙың уртаса һәм субтропик бүлкәттәрендә таралған. Башҡортостанда тарбаҡлы Т. үҫә. Тамырһабаҡлы үлән. Һабағы йыуан, шыма, бейеклеге 60—100 см. Япрағы киң ҡыяҡлы, яҫы, йомшаҡ. Башағы ваҡ, бер сәскәле, асыҡ йәшел төҫтә, оҙон (25 см тиклем) йәйенке һеперткеләргә йыйылған. Июнь—августа сәскә ата. Емеше — бөртөксә, июль—сентябрҙә өлгөрә. Башлыса киң япраҡлы урмандарҙа үҫә; республика территорияһының күпселек өлөшөндә таралған. Мал аҙығы үҫемлеге.
А.Ә.Мулдашев
Тәрж. Г.А.Миһранова
Дата публикации: 10.10.2019
Дата последнего обновления публикации: 09.12.2022
Энциклопедиялар:
Связанные статьи: