БОРУЛЕНКОВ Пётр Егорович
БОРУЛЕНКОВ Пётр Егорович (10.7.1933, Мәскәү өлк. Ураҙ а. — 17.11.2014, Владимир өлк.), хужалыҡ эшмәкәре. БАССР‑ҙың атҡ. химигы (1978), СССР‑ҙың нефть эшкәртеү һәм нефтехимия сәнәғәте отличнигы (1983). Мәскәү нескә химия технологиялары ин‑тын тамамлағандан һуң (1956) “Салаватнефтеоргсинтез” ПБ‑нда эшләй: 1963 й. алып цех нач., 1964 й. — производство нач., 1965 й. — баш инженер, 1970 й. — нефтехимия производстволары з‑ды директоры. 1989—90 йй. “Салаватнефтехимремстрой” тресы идарасыһы урынбаҫары. Б. етәкс. нефтехимия производстволары з‑дында юғары баҫымлы полиэтилен етештереү яңыртылған. СССР МС‑ы пр. лауреаты (1984). Халыҡтар дуҫлығы орд. м‑н бүләкләнгән (1980).
Тәрж. Г.А.Миһранова