БЕРӘТӘК, Бөрйән р‑нындағы ауыл

БЕРӘТӘК, Бөрйән р‑нындағы ауыл, Аҫҡар а/ с ҡарай. Район үҙәгенән Т.‑Көнб. 71 км һәм Белорет т. юл ст. К.‑Көнб. табан 185 км алыҫлыҡта Берәтәк й. (Ағиҙел й. басс.) тамағында урынлашҡан. Халҡы: 1900 й. — 58 кеше; 1920 — 27; 1939 — 139; 1959 — 401; 1989 — 380; 2002 — 422; 2010 — 424 кеше. Башҡорттар йәшәй (2002). Төп мәктәп (Аҫҡар урта мәктәбе филиалы), балалар баҡсаһы, фельдшер-акушерлыҡ пункты, мәҙәниәт йорто, мәсет бар.

Ауылға 18 б. уртаһында Нуғай даруғаһы Ҡарағай-Ҡыпсаҡ улусы башҡорттары үҙ ерҙәрендә нигеҙ һала (халҡы Үрге Әүжән-Петровск заводы өсөн урман әҙерләү м‑н шөғөлләнгән). Башҡа мәғлүмәттәр б‑са, Б. 19 б. аҙ. утар булараҡ барлыҡҡа килгән. Шулай уҡ Берәтәктамаҡ, Оло Берәтәк исемдәре м‑н билдәле була.

Тәрж. Р.Ғ.Ғилманов