Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

АЛЛИЛ СПИРТЫ

Просмотров: 1476

АЛЛИЛ СПИРТЫ, 2‑пропен‑1‑ол, CH2=CHCH2OH, иң ябай туйындырылмаған спирт. Төҫһөҙ, еңел тоҡаныусан зәһәр еҫле шыйыҡса; tиреү –129°С, tҡайнау 96,9°С, тығыҙлығы 852 кг/м3; тоҡаныу концентрацияһы сиктәре 2,5—18%. Һыу һәм органик эреткестәр м‑н ҡатнаша. Тирене, тын алыу һәм күреү ағзаларының лайлалы тиресәһен ҡуҙғыта (һауала ПДК 2 мг/м3).

СССР‑ҙа берҙән-бер А.с. производствоһы 1972 й. Стәрлетамаҡ химия з‑дында (ҡара: “Каустик”) үҙләштерелә (1996 й. туҡтатыла): торбаларҙан торған реакторҙарҙа 160—170°С т‑рала һәм 2—2,3 МПа баҫым аҫтында аллилхлоридты кальцинирланған сода эретмәһендә (100—110 г/л) гидролизлау юлы м‑н алалар. А.с. глицерин, 1,2‑дихлорпропан нигеҙендә нематоцидлы ҡатнашма алыу өсөн файҙаланыла. 1972—94 йй. Украина һәм РФ пр‑тиелары А.с. ҡулланыусылар була.

Р.Н.Заһиҙуллин

Тәрж. Ғ.Ғ.Бикбаева

Дата публикации: 10.10.2019
Дата последнего обновления публикации: 17.10.2019
Связанные темы рубрикатора: