БИЛӘН, Балаҡатай р‑нындағы ауыл
БИЛӘН, Балаҡатай р‑нындағы ауыл, Билән а/ с үҙәге. Район үҙәгенән Т.‑Көнс. 54 км һәм Назепетровск т. юл ст. (Силәбе өлк.) Көнб. табан 33 км алыҫлыҡта Билән й. (Өфө й. ҡушылдығы) буйында урынлашҡан. Халҡы: 1920 й. — 803 кеше; 1939 — 1279; 1959 — 1372; 1989 — 1012; 2002 — 883; 2010 — 853 кеше. Башҡорттар йәшәй (2002). Урта мәктәп, балалар баҡсаһы, участка дауаханаһы, мәҙәниәт йорто (“Серҙәш” халыҡ фольклор ансамбле), китапхана бар.
Ауылға Себер даруғаһы Бала-Ҡатай улусы башҡорттары үҙ ерҙәрендә Билән исеме м‑н нигеҙ һала, 18 б. аҙ. билдәле. 1869 й. (хәҙ. исемендә) 52 йортта 315 кеше йәшәгән. Малс‑ҡ, игенселек, һал һәм кәмә яһау м‑н шөғөлләнгәндәр. Мәсет, мәктәп булған; улус идараһы урынлашҡан. Ҡошсо кантонының адм. үҙәге булған. Ә.Х.Һунаршин, М.А.Шәмиғолов ошо ауылда тыуған.
Х.Ғ.Байморатова, Ә.З.Әсфәндиәров
Тәрж. Р.Ғ.Ғилманов