ОЛО ҒӘБДИН, Әбйәлил р‑нындағы ауыл
ОЛО ҒӘБДИН, Ғ ә б д и н, Әбйәлил р‑нындағы ауыл, Байым а/с ҡарай. Район үҙәгенән Т.‑Көнс. 74 км һәм Ташбулат т. юл ст. Т.‑Көнс. табан 14 км алыҫлыҡта Кесе Ҡыҙыл й. буйында урынлашҡан. Халҡы: 1900 й. — 202 кеше; 1920 — 277; 1939 — 114; 1959 — 105; 1989 — 178; 2002 — 195; 2010 — 180 кеше. Башҡорттар йәшәй (2002). Башланғыс мәктәп (Байым урта мәктәбе филиалы) бар.
Ауылға 18 б. уртаһында Нуғай даруғаһы Күбәләк улусы башҡорттары үҙ ерҙәрендә Әптим (тархан Әптим/Ғәбдин Бәкәтәев исеменән) исеме м‑н нигеҙ һала. 1795 й. 29 йортта 187 кеше йәшәгән, 1866 й. Ғәбдиндә 57 йортта — 266 кеше. Малс‑ҡ, игенселек м‑н шөғөлләнгәндәр. Мәсет булған. 20 б. 30‑сы йй. Кесе Ғәбдин бүлендек ауылы барлыҡҡа килгәндән һуң (70‑се йй. юҡҡа сыҡҡан), хәҙ. исемен алған.
Ә.З.Әсфәндиәров
Тәрж. Р.Ғ.Ғилманов