ОЛО ТУҒАНАЙ, Ҡалтасы р‑нындағы ауыл

ОЛО ТУҒАНАЙ, П е ч ё н к и н о, Ҡалтасы р‑нындағы ауыл, Төлдө а/с ҡарай. Район үҙәгенән Т. 8 км һәм Яңауыл т. юл ст. К. табан 68 км алыҫлыҡта Кейебәк й. (Тере Танып й. ҡушылдығы) буйында урынлашҡан. Халҡы: 1906 й. — 614 кеше; 1920 — 619; 1939 — 547; 1959 — 540; 1989 — 299; 2002 — 336; 2010 — 314 кеше. Удмурттар йәшәй (2002). Фельдшер‑акушерлыҡ пункты, клуб бар. Ауылға 18 б. аҙ. (башҡа мәғлүмәттәр б‑са, 1770 й.) Ҡазан даруғаһы Эске Йылан улусы башҡорттарының аҫаба ерҙәрендә керҙәшлек килешеүе б‑са (1790 й. рәсмиләштерелгән) Туғунай/Туғун исеме м‑н удмурттар нигеҙ һала. Шулай уҡ Кейебәкбаш исеме м‑н билдәле булған. 1865 й. 51 йортта 316 кеше йәшәгән. Игенселек, малс‑ҡ, умарт‑ҡ м‑н шөғөлләнгәндәр. Ярма ярғыс, 2 һыу тирмәне булған. 20 б. башында Кесе Туғанай бүлендек ауылы (20 б. аҙ. юҡҡа сыға) барлыҡҡа килгәс, хәҙ. исемен алған.

В.А.Акиев

Тәрж. Р.Ғ.Ғилманов