БИҒЛОВА Рәйсә Йыһандар ҡыҙы

БИҒЛОВА Рәйсә Йыһандар ҡыҙы (1.10.1950, Өфө), химик-органик. Химия ф. д‑ры (1999), проф. (2000). РФ-тың почётлы юғары проф. биреү хеҙм-ре (2011), СССР‑ҙың уйлап табыусыһы (1986). БДУ‑ны тамамлағандан һуң (1972) шунда уҡ эшләй. Фәнни хеҙмәттәре юғары молекуляр фенолдарҙы синтезлауҙың селектив ысулдарын табыуға, полиолефиндарҙы һәм полидиендарҙы фенол һәм аминофенол ярҙамында модификациялауға арналған. Б. минераль майҙар һәм полимерҙар өсөн полифункциональ химикат‑өҫтәмәләр алыуҙың һөҙөмтәле ысулдарын тәҡдим итә; уның ҡатнашлығында полимер композицияһының яңы рецептураһы (поливинилхлорид нигеҙендә) эшләнә һәм 1990 й. башлап Химполимер ҒТИ‑нда (Иваново ҡ.) микроорганизмдар тәьҫиренә, дымға һәм иҫкереүгә сыҙамлы ныҡ материал алыуҙа файҙаланыла. 195‑тән ашыу фәнни хеҙмәт һәм 47 уйлап табыу авторы.

Тәрж. Ғ.Ғ.Бикбаева