Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

УМЫРТҠАҺЫҘҘАР

Просмотров: 1357

УМЫРТҠАҺЫҘҘАР (Invertebrata), умыртҡалығы булмаған хайуандар. 20‑нән ашыу тибы (саркомастигофорҙар, споровиктар, инфузориялар, яҫы ҡорттар, беренсел ҡыуышлы селәүсендәр, балдаҡлы селәүсендәр, моллюскылар, быуынтығаяҡлылар һ.б.), 1,5 млн яҡын төрө билдәле. Бөтә ерҙә таралған. Башҡортостанда У. 17 меңгә яҡын төрө билдәле (ҡара: Биологик ресурстар). Күпселек төрө ирекле йәшәй, паразиттар. У. — экосистемаларҙың туҡланыу сылбырҙарында мөһим быуын: микроорганизмдар, ылымыҡтар һ.б. үҫемлектәр, ш. уҡ үле органик матдәләр (ҡара: Детритофагтар) м‑н туҡлана, үҙҙәре йыртҡыс У. һәм умыртҡалылар өсөн аҙыҡ булып тора. Ҡайһы берҙәре кеше һәм хайуандарҙың (аскаридоз, лептоспироз), үҫемлектәрҙең (фитоарахноздар, фитогельминтоздар һ.б.) күпселек ауырыуҙарын тыуҙырыусы һәм таратыусы. У. күп төрө — ауыл хужалығы һәм урман культуралары ҡоротҡостары, улар м‑н көрәшер өсөн У. паразит һәм йыртҡыс төрҙәре (яйҙаҡтар, трихограммдар һ.б.) ҡулланыла.

Р.Ф.Биккенин

Тәрж. Г.А.Миһранова

 

 

 

 

 

Дата публикации: 10.10.2019
Дата последнего обновления публикации: 18.10.2019
Связанные статьи: