БАРСУКОВ Владимир Фёдорович

БАРСУКОВ Владимир Фёдорович (1.11.1953, Өфө), инженер-механик. БР‑ҙың атҡ. машиналар эшләүсеһе (1998), РФ транспортының почётлы хеҙм‑ре (2000). ӨАИ‑ны тамамлағандан һуң (1976) Бөтә Союз “Союзнефтеавтоматика” ПБ‑ның Махсус проект-конструкторлыҡ бюроһында эшләй. 1978 й. алып “Ремстройдормаш” з‑ды инженер-конструкторы, 1981 й. — инженер-технологы, 1983 й. — участка нач., 1986 й. — “Башспецнефтестрой” тресының 8‑се төҙөлөш-монтаж идаралығы баш механигы, 1987 й. — Башҡ‑н троллейбус з‑дының (бөтәһе лә — Өфө) баш инженеры, 1995 й. — ген. директоры. 2009 й. башлап "Мосгортранс" ДУП-ы филиалының Мәскәү троллейбус з-ды, 2010 й. — "С.М.Киров исемендәге Ҡытаутамаҡ вагондар эшләү заводы" ФДУП-ының трамвай комплексы дир., 2011 й. — "ОЗНА — Октябрьский механика заводы" ЯСЙ-ның идарасы директоры. Б. етәкс. Башҡортостан троллейбус заводында троллейбустарҙы 5 моделен һәм уларҙың 15 модификацияһын эшләү ойошторола һәм үҙләштерелә. БР Дәүләт Йыйылышы—Ҡоролтайҙың 3‑сө саҡырылыш депутаты. РФ-тың (2011) һәм БР‑ҙың (2005) фән һәм техника өлкәһендәге Дәүләт пр. лауреаты.

Тәрж. Г.Ҡ.Ҡунафина