БИРСКАЯ 3, ҡарабойҙай сорты

БИРСКАЯ 3, ҡарабойҙай сорты. 1969—71 йй. В.Ф.Погодин һәм А.И.Сызранцева (БНИИСХ) тарафынан Калининская һәм Богатырь сорттарын һеркәләндереп, артабан күп тапҡыр индивидуаль һайлап алыу юлы м‑н сығарыла. Һабағының бейеклеге яҡынса 1 м, йәшел, япраҡлылығы уртаса. Япрағы шыма, аҫ яҡтан бер аҙ төклө. Сәскәһе аҡ, һирәгерәк тоноҡ ал. Орлоғо көрән һәм ҡараһыу көрән. 1000 орлоғоноң ауырлығы 20—25 г, орлоғоноң тигеҙләнеше 40—50%, натураһы 550—640 г/л, ярылылығы 20—22%. Ярма сығышы 68—76%. Аҡһым миҡдары 14—15%. Сорт һыуыҡҡа, ҡоролоҡҡа һәм орлоғо ҡойолоуға сыҙамлы. Вегетация осоро 80— 108 көн. Уңдырышлылығы 21 ц/га (Маҡар дәүләт сорт һынау участкаһы, 1980). БАССР б‑са 1972 й. ҡулланылышҡа индерелгән, төньяҡ урман‑дала зонаһында һәм төньяҡ‑көнсығыш урман‑дала зонаһында үҫтерелә.

А.М.Сабитов

Тәрж. М.Н.Моратшина