БИШТИРӘК, Ейәнсура р‑нындағы ауыл

БИШТИРӘК, Ейәнсура р‑нындағы ауыл, Ҡаҙанболаҡ а/ с ҡарай. Район үҙәгенән К.‑Көнс. 116 км һәм Ҡыуандыҡ т. юл ст. (Ырымбур өлк.) Т. табан 95 км алыҫлыҡта Ергәйеш й. (Ҡаҫмарт й. ҡушылдығы) буйында урынлашҡан. Халҡы: 1959 й. — 317 кеше; 1989 — 210; 2002 — 221; 2010 — 197 кеше. Башҡорттар йәшәй (2002). Башланғыс мәктәп, фельдшер‑акушерлыҡ пункты, клуб, китапхана бар.

1927—28 йй. Йылайыр кантонында шул уҡ кантондың Байыш а. кешеләре бүлендек ауыл булараҡ нигеҙ һала, 30‑сы йй. алып “Oвцевод” с‑зының 3‑сө бүлексәһе тип аталған, 1953 й. — Ейәнсура с‑зының 3‑сө ферма ҡасабаһы, 1961 й. Ейәнсура с‑зының (Биштирәк) 3‑сө ферма ҡасабаһы булараҡ теркәлгән, 70‑се йй. алып ауыл статусын һәм хәҙерге исемен йөрөтә.

Д.Ғ.Күскилдин

Тәрж. Ю.Ғ.Кәримов