БУРАНБАЕВА Сара Абдулхай ҡыҙы
БУРАНБАЕВА Сара Абдулхай ҡыҙы (24.6.1967, БАССР‑ҙың Әбйәлил р‑ны Әлмөхәмәт а.), актриса. БР‑ҙың халыҡ (2009) һәм атҡ. (1994) артисткаһы. Театр эшмәкәрҙәре союзы ағзаһы (2007). ӨДСИ‑не тамамлағандан һуң (1989; А.К.Лощенков курсы) — БР Милли Йәштәр театры, 1998 й. алып БАДТ актрисаһы.
Актрисаға эске темперамент, романтик рух, ихласлыҡ һәм күркәмлек хас. Төп ролдәре: Кинйә (“Иҙеүкәй менән Мораҙым”, М.А.Буранғолов; дебют, 1990), Нурия (“Ҡатын‑ҡыҙҙың ҡырҡ сыраһы”, Ф.М.Бүләков), Нәзирә (“Ҡыпсаҡ ҡыҙы”, А.Ш.Йәғәфәрова), Һомай (“Урал батыр”, Ғ.Ғ.Шафиҡов) һ.б. Актрисаның Милли Йәштәр театры сәхнәһендә башҡарған Зойка — Зәйнәб роле (“Мөхәббәт исемлеге”, Бүләков) һынландырыу оҫталығы, драматизм м‑н айырылып тора. Кино һәм т/ ф ролдәре: Сания (“Миҙал”, 2000), Ғәҙилә (“Ай ҡыҙы”, 2001, 2002; икеһе лә — “Башҡортостан” ДТРК), Кесе инәй (“Оҙон‑оҙаҡ бала саҡ”, “Башҡортостан” к/ ст, 2005).
З.В.Сәйфуллина
Тәрж. Г.С.Балтабаева