Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ВАСИН Рудольф Алексеевич

Просмотров: 1074

ВАСИН Рудольф Алексеевич (11.8.1937, Иваново өлкәһе Вязники станцияһы ҡсб — 18.12.2019, Мәскәү ҡ.), механик. Физика-математика фәндәре докторы (1988), профессор (1992). МДУ‑ны тамамлаған (1959). 1962 й. алып МДУ‑ның Механика ҒТИ‑нда эшләй: 1973 й. алып өлкән, 1987 й. — төп, 1995 й. башлап баш ғилми хеҙмәткәр, 2002 й. алып лаборатория мөдире; бер үк ваҡытта 1991—2006 йй. Металдарҙың үтә һығылмалылығы проблемалары институтында лаборатория мөдире. Фәнни хеҙмәттәре деформацияланыусы ҡаты есем механикаһына арналған. В. тарафынан һығылмалылыҡ теорияһында билдәләүсе нисбәттәрҙең яңы варианттары табылған; тығыҙ-һығылмалы процестар теорияһының төп ҡағиҙәләре тәжрибә ярҙамында нигеҙләнгән һ.б. В. етәкселегендә Металдарҙың үтә һығылмалылығы проблемалары институтында материалдарҙың үтә һығылмалылығы буйынса тикшеренеүҙәр үткәрелгән. 1-се дәрәжә М.В.Ломоносов исемендәге премия лауреаты (1995).

 Х е ҙ м.: Введение в механику сверхпластичности. Ч.1. Уфа, 1998 (авторҙ.); Superplastic Flow: Phenomenology and Mechanics. 2-nd.ed. Berlin; Heidelberg, 2010 (авторҙ.). 

Ф.У.Йәнекәев

Тәрж. Р.Ғ.Ғилманов

 

Дата публикации: 10.10.2019
Дата последнего обновления публикации: 31.01.2024
Связанные темы рубрикатора: