Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ВЕРЕЩАГИН Вадим Леонтьевич

Просмотров: 952

ВЕРЕЩАГИН Вадим Леонтьевич (12.8.1963, Ангарск ҡ.), математик. Физика‑матем. ф. д‑ры (1999). Иркутск ун‑тын тамамлағандан һуң (1985) РФА‑ның Себер бүлексәһе Идара итеү теорияһы һәм системалары динамикаһы ин‑ты (Иркутск ҡ.) хеҙм‑ре, 1991 й. башлап өлкән ғилми хеҙм‑ре. 2000 й. алып Математика ин‑тының төп ғилми хеҙм‑ре, бер үк ваҡытта ӨДАТУ-ла уҡыта. Фәнни тикшеренеүҙәре математик физикаға, интегралланыусы системалар теорияһына арналған. В. дискрет системаларҙы асимптотик интеграллауҙы, сингуляр сиселештәр өсөн синус-Гордон тигеҙләмәһен тарҡатыуҙы, Шрёдингер һыҙыҡлы булмаған тигеҙләмәһенең коллапсланыусы сиселештәре үҙенсәлектәрен, Вольтерр сынйыры өсөн сик мәсьәләләренең зоналар һуңындағы сиселештәрен, яҡтылыҡ үткәргестәрҙәге векторлы DM-солитондарҙы һ.б. өйрәнә. 30‑ға яҡын фәнни хеҙмәт авторы.

Х е ҙ м.: Дискретные цепочки Тода и метод Лапласа //Теоретическая и математическая физика. 2009. Т.160. Вып.3; Однофазное усреднение для цепочки Абловица—Лэдика //Математические заметки. 2010. Т.87. Вып.6.

Тәрж. Р.Ғ.Ғилманов

 

 

 

 

Дата публикации: 10.10.2019
Дата последнего обновления публикации: 17.10.2019
Связанные темы рубрикатора: