ҒӘЛЛӘМОВ Мөнир Нафиҡ улы

ҒӘЛЛӘМОВ Мөнир Нафиҡ улы (26.10.1927, БАССР‑ҙың Бәләбәй кантоны Собханғол а., хәҙер БР‑ҙың Туймазы районы Иҫке Собханғол а. — 15.9.2021, Өфө ҡ.), нефтсе‑инженер. Техник фәндәр кандидаты (1972). РСФСР‑ҙың атҡаҙанған нефть һәм газ сәнәғәте хеҙмәткәре (1988), РФ Яғыулыҡ һәм энергетика министрлығының атҡаҙанған хеҙмәткәре (1995), БАССР‑ҙың атҡаҙанған нефтсеһе (1977), СССР‑ҙың почётлы нефтсеһе (1972). Б.В. һуғышында ҡатнашыусы. ӨНИ‑не тамамлағандан һуң (1956) “Октябрьскнефть” нефть промыслаһы идаралығында эшләй, 1960 й. алып “Чекмагушнефть” НГДУ‑һының баш инженеры, 1966 й. — “Башнефть” берекмәһендә; 1984— 2002 йй. Башҡортостан нефть ғилми-тикшеренеү һәм проект институтында (1998 й. тиклем директор). Фәнни-производство эшмәкәрлеге ҡатламдарҙың нефть биреүсәнлеген арттырыу ысулдарын, нефть һәм газды бер торба системаһы аша йыйыуҙы, нефть промыслаларын йыһазландырыуҙа стандарт блок ҡорамалдарын ҡулланыуҙы практикаға индереү менән бәйле. И.М.Губкин исемендәге премия лауреаты (1989). Октябрь Революцияһы (1981), 2‑се дәрәжә Ватан һуғышы (1985), Хеҙмәт Ҡыҙыл Байраҡ (1970, 1976), “Почёт Билдәһе” (1966) ордендары менән бүләкләнгән.

  Х е ҙ м.: Повышение эффективности эксплуатации нефтяных скважин на поздней стадии разработки месторождений. М., 1978 (авторҙ.); Применение ЭВМ в добыче нефти. М., 1982 (авторҙ.).

К.С.Баймөхәмәтов

Тәрж. Э.М.Юлбарисов