Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

АБИТАЕВА Йәмилә Зөлҡәфил ҡыҙы

Просмотров: 1284

АБИТАЕВА Йәмилә Зөлҡәфил ҡыҙы [23.1.1916, Һамар губ. Быҙаулыҡ өйәҙе Кесе Юлдаш а. (Ырымбур өлк. Красногвардейск р‑ны) — 12.6.1994, Өфө], актриса. БАССР‑ҙың атҡ. артисы (1969). Театр эшмәкәрҙәре союзы ағзаһы (1954). Башҡ. сәнғәт техникумын тамамлағандан һуң (1936; Х.Бохарский, М.Ә.Мәһәҙиев курсы) 1974 й. тиклем Сибай драма театрында эшләй. Лирик‑драматик пландағы актриса. Уның сәхнә образдары милли үҙенсәлеге, кәүҙәләндереү оҫталығы м‑н айырылып тора. Төп ролдәре: Ҡарлуғас (Б.Бикбайҙың ш. уҡ исемле драмаһы; дебют, 1936), Ғәлимә (М.Ғафуриҙың “Ҡара йөҙҙәр” повесы б‑са Ғ.Әмири һәм В.Ғ.Ғәлимовтың ш. уҡ исемле спектакле), Таңсулпан (Ҡ.Даяндың ш. уҡ исемле драмаһы), Айһылыу (“Һаҡмар”, “Дуҫлыҡ һәм мөхәббәт”; икеһе лә — С.М.Мифтахов). Мәрзиә (“Ул ҡайтты”, Ә.Ҡ.Атнабаев), Елена Кошевая (А.А.Фадеевтың “Йәш гвардия” — “Молодая гвардия” романы б‑са Ғәлимовтың “Геройҙар” спектакле) ролдәренә иһә сағыу драматизм хас. Характерлы ролдәре араһында — Туҡтабикә (“Ҡыҙ урлау”, М.Кәрим).

Һ.C.Сәйетов

Тәрж. Г.С.Балтабаева

Дата публикации: 10.10.2019
Дата последнего обновления публикации: 18.10.2019