БАЯЗИТОВ Мәсәғүт Хәйрулла улы
БАЯЗИТОВ Мәсәғүт Хәйрулла улы [8.10.1930, БАССР‑ҙың Бүздәк р‑ны Әхмәт а. (БР‑ҙың Благовар р‑ны)], хужалыҡ эшмәкәре. БАССР‑ҙың атҡ. агрономы (1981). БАХИ‑ны тамамлағандан һуң (1953) Благовар р‑нында эшләй: Һынташтамаҡ МТС‑ында баш агроном, 1955 й. алып “Ҡыҙыл байраҡ” к‑зы, 1959—91 йй. “Октябрь” к‑зы рәйесе. Б. етәкс. “Октябрь” к‑зы үҫемлекселек һәм малсылыҡ өлкәһендә юғары күрһәткестәргә өлгәшә: иген культураларының уңдырышлылығы (ц/га) 6‑нан 30‑ға, көнбағыштың — 5‑тән 22‑гә, шәкәр сөгөлдөрөнөң — 444‑кә тиклем, бер һыйырҙан уртаса йыллыҡ һауым 786‑нан 3400 кг тиклем арта (1990). БАССР ЮС‑ының 5‑се саҡырылыш депутаты. Ленин (1971), Хеҙмәт Ҡыҙыл Байраҡ (1976), “Почёт Билдәһе” (1965) орд. м‑н бүләкләнгән.
Тәрж. М.Н.Моратшина