БАЛХИ
1084
БАЛХИ (Әбү Зәйд Әхмәт ибн Сәхл әл‑Балхи; яҡынса 850—934 йй.), ғәрәп сәйәхәтсеһе, географ. Бағдадта уҡый. 10 б. башында Волга буйы Болғарында һәм башҡорттар ерендә була. Истахри һәм Д.А.Хвольсон әҫәрҙәре б‑са билдәле “Илдәрҙең географик карталары” (“Географические карты стран”; яҡынса 921—22) хеҙмәте авторы. Башҡорттарҙы “башджарҙар” (ҡара: Башҡорт) исеме м‑н һүрәтләй һәм уларҙы төрки телле халыҡтар иҫәбенә индерә. Б. яҙыуынса, башҡорттарҙың бер төркөмө — болғарҙар, икенсеһе бәшнәктәр м‑н сиктәш була.
Әҙәб.: Заходер Б.Н. Каспийский свод сведений о Восточной Европе: в 2 т. М., 1962—1967.
Тәрж. Ә.Н.Аҡбутина
Дата публикации: 10.10.2019
Дата последнего обновления публикации: 17.10.2019
Энциклопедиялар: