БӨРӨ МИНЕРАЛЬ ҺЫУ СЫҒАНАҠТАРЫ

БӨРӨ МИНЕРАЛЬ ҺЫУ СЫҒАНАҠТАРЫ, Тоҙло шишмә, тәбиғәт ҡомартҡыһы (1965). Бөрө ҡ. көньяҡҡа табан 4 км алыҫлыҡта Ағиҙел й. уң ярында урынлашҡан. 5 сығанаҡ бер-береһенән 10—70 м аралыҡта ята. Аҫҡы пермдең көңгөр ярусы тоҡомдарында (алевролит, гипс) формалаша. Дөйөм дебиты 56—175 л/ с. Һыуы шифалы, уртаса минераллы (5,85 г/ л), сульфат‑хлоридлы, кальцийнатрийлы; тоҙ миҡдары (%): натрий хлориды (22—77), натрий сульфаты (65), кальций сульфаты (45); микроэлемент миҡдары (мг/ л): иод (0,003—0,2), бром (0,46), бор (0,4—1,0), фтор (1,4—2,25), тимер (2,3); газ составы б‑са аҙ сероводородлы, т‑раһы 6,5°С. Сығанаҡтарҙа минераль ләм бар (запастары яҡынса 1700 м³). Ландшафы һыубаҫар болондарҙан тора.

Р.Ф.Абдрахманов

Тәрж. Э.М.Юлбарисов