БУНИН УРМАНЫ

БУНИН УРМАНЫ, ландшафт заказнигы (1997). Бәләбәй р‑ны Парафеевка а. төньяҡҡа табан 0,5 км алыҫлыҡта Бөгөлмә-Бәләбәй ҡалҡыулығының үҙәк өлөшөндә урынлашҡан. Майҙаны 1,2 мең га. Рельефы яйла һымаҡ, эрозиялы. Б.у. терр‑яһында ҡалҡыулыҡтағы иң ҙур ҡарағай урманы (100 һәм 200 йәшлек ағастар осрай), йүкәлектәр, имәнлектәр, болондар һәм ташлы далалар урынлашҡан. Май ынйы сәскәһе, себер ҡыңғырау сәскәһе, тырса ҡылған, ябай мәтрүш, яҙғы умырзая һ.б. үҫә; БР‑ҙың Ҡыҙыл китабына индерелгән дөйә ҡылған, һипкелле глобулярия, эре тәңкәғуҙаҡ һ.б. үҫемлектәр һаҡлана. Һуйыр, ҡоралай, мышы һ.б. йәшәй; көсөгән һәм өкө һаҡлана.

А.Ә.Мулдашев

Тәрж. И.М.Япаров