Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

БАЖАНОВ Олег Сергеевич

Просмотров: 921

БАЖАНОВ Олег Сергеевич (13.4.1968, Өфө), актёр. РФ‑тың атҡ. артисы (2004). РФ‑тың Театр эшмәкәрҙәре союзы ағзаһы (1996). Волгоград сәнғәт уч‑щеһын (1987; К.М.Дубинин курсы), Ырымбур пед. ун‑тын (2008) тамамлаған. 1985 й. алып — Волгоград, Красноярск, Минск ҡҡ. театрҙары, 1994 й. — Ырымбур драма театры, 2010 й. — М.Горький ис. Мәскәү художество театры актёры. Б. ижады күп яҡлы. Актёр тәрән драматик һәләткә, муз. тойомлауға, һығылмалыҡҡа эйә. 1990—2000 йй. Ырымбур драма театрының төп һәм популяр актёрҙарының береһе була: кенәз Мышкин (Ф.М.Достоевскийҙың “Идиот” романы б‑са ш. уҡ исемле спектакль), Швабрин (А.С.Пушкиндың“ Капитан ҡыҙы” — “Капитанская дочка” повесы б‑са ш. уҡ исемле спектакль), Тригорин (“Аҡсарлаҡ” — “Чайка”, А.П.Чехов), Дон Жуан (Мольерҙың ш. уҡ исемле комедияһы) һ.б.; Р.Куниҙың “№13, йәки Бөтәһенә лә рәхәт булһын өсөн!” (“№13, или Чтобы всем было хорошо!”) спектаклен ҡуя (2005; В.М.Барковский м‑н берлектә). Мәскәү художество театры сәхнәһендәге ролдәре: граф Альба (“Батшабикә өсөн ау” — “Западня для королевы”, В.Гюгоның “Рюи Блаз” пьесаһы б‑са), Лупачёв (“Һылыу ир‑егет” — “Красавец-мужчина”, А.Н.Островский), сэр Оливер (“Ғәйбәт мәктәбе” — “Школа злословия”, Р.Шеридан) һ.б. “Ай һәм саксофон” (“Луна и саксофон”), “Әсәй” (“Мама”), “Беләһең!” (“Знаешь!”) һ.б. йырҙарҙың авторы һәм башҡарыусыһы. А.Миронов ис. Бөтә Рәсәй актёр йыры конкурсы лауреаты (Түбәнге Новгород, 1996), “Юрмала” Бөтә Союз совет эстрада йырҙарын йәш башҡарыусылар телевизион конкурсы дипломанты (1990).

Әҙәб.: Игнатюк О. У кумиров свои секреты //Театральная жизнь. 2005. №3.

А.Ә.Балғазина

Тәрж. Г.С.Балтабаева

Дата публикации: 10.10.2019
Дата последнего обновления публикации: 18.10.2019
Связанные темы рубрикатора: