ОЛО ӘБЕШ ХАЗИНАҺЫ
841
ОЛО ӘБЕШ ХАЗИНАҺЫ, Алтын Урҙа осороноң археологик ҡомартҡыһы. 13—14 бб. ҡарай. Хәйбулла р‑ны Оло Әбеш а. янында 1974 й. төҙөүселәр тарафынан табыла. 24 тимер әйберҙән тора, улар араһында сүкешкә оҡшаш төйҙәле 2 балта, 2 үткер осло һөймән, бысаҡ (34 см), киң баҫҡыслы оҙонса өҙәңге, 3 салғы, төрлө ҙурлыҡтағы 14 ураҡ, тоташмаған ҡулса рәүешендәге ҙур тотҡалы ҡайсы бар. О.Ә.х. материалдары Оло Әбеш урта мәктәбендә һаҡлана.
Әҙәб.: И с м а г и л о в Р.Б. Средневековые комплексы и случайные находки из Южного Приуралья //Наследие веков. Уфа, 1995. Вып.1.
Р.Б.Исмәғилев
Тәрж. Д.К.Үзбәков
Дата публикации: 10.10.2019
Дата последнего обновления публикации: 18.10.2019
Энциклопедиялар: