“АВТОКОМПЛЕКТ”, ААЙ
“АВТОКОМПЛЕКТ”, автотрактор электр йыһаздары, даими магниттар һәм төҫлө ҡойолмалар етештереү пр‑тиеһы. 1971 й. Октябрьский ҡ. “Автоприбор” з‑ды булараҡ нигеҙ һалына, 1973 й. файҙаланыуға тапшырыла, 1986 й. алып ПБ, 1993 й. — акционерҙар компанияһы, 1994 й. — “АПри” акционерҙар компанияһы, 1999 й. — “А.” ААЙ, 2011 й. ябыла. Составына автомат-механика, штамплау, гальваник, йыйыу, ҡойоу, пластмассалар, магниттар, махсус техника цехтары (бөтәһе лә 1973—76 йй. нигеҙләнгән) ингән. 1999 й. 1405 кеше эшләгән. 60‑ҡа яҡын төр продукция етештергән: амперметрҙар, манометрҙар, моторедукторҙар, электр двигателдәре һ.б. Продукцияһы БР һәм РФ‑тың башҡа төбәктәре пр‑тиеларына ебәрелгән, яҡын сит илдәргә сығарылған.
Тәрж. Г.Ҡ.Ҡунафина