АЗУРИТ
1380
АЗУРИТ (франц. azur — асыҡ зәңгәр), карбонаттар класы минералы, Cu3[СO3]2(OH)2. Пластинка һәм ҡыҫҡа призма рәүешендәге кристалдар барлыҡҡа килтерә. Агрегаттары ҡатлаулы, бөртөклө. Төҫө ҡуйы зәңгәр, сағыу, быяла кеүек ялтыр. Ҡатылығы 3,4—4,0; тығыҙлығы 3770—3890 кг/м3; йәбешкәклеге уртаса; мурт, кислотала эрей. Ҡиммәтле баҡыр мәғдәне, лак-буяу сәнәғәте өсөн сеймал. БР‑ҙа алтын‑полиметалл һәм баҡыр колчеданы ятҡылыҡтарының окисланыу зонаһында осрай.
Әҙәб.: Геология СССР. Т.13. Ч.1. М., 1964.
М.Ғ.Моталов
Тәрж. Э.М.Юлбарисов
Дата публикации: 10.10.2019
Дата последнего обновления публикации: 22.09.2022
Связанные темы рубрикатора:
Энциклопедиялар: