АЗУРИТ

АЗУРИТ (франц. azur — асыҡ зәңгәр), карбонаттар класы минералы, Cu₃[СO₃]₂(OH)₂. Пластинка һәм ҡыҫҡа призма рәүешендәге кристалдар барлыҡҡа килтерә. Агрегаттары ҡатлаулы, бөртөклө. Төҫө ҡуйы зәңгәр, сағыу, быяла кеүек ялтыр. Ҡатылығы 3,4—4,0; тығыҙлығы 3770—3890 кг/м³; йәбешкәклеге уртаса; мурт, кислотала эрей. Ҡиммәтле баҡыр мәғдәне, лак-буяу сәнәғәте өсөн сеймал.  БР‑ҙа алтын‑полиметалл һәм баҡыр колчеданы ятҡылыҡтарының окисланыу зонаһында осрай.

Әҙәб.: Геология СССР. Т.13. Ч.1. М., 1964.

М.Ғ.Моталов

Тәрж. Э.М.Юлбарисов