АПАТИТ
1286
АПАТИТ (гр. apatē — ялған), фосфаттар класы минералы, Ca5[PO4]3(F, Cl, OH)2, составында марганец, стронций, магний, тимер, торий һәм ерҙәһирәк элементтар булыуы мөмкин. Кристалдары алты ҡырлы оҙонса призма, пластинка рәүешендә һәм энәле. Агрегаттары бөртөклө, ҡайһы берҙә бөрө һымаҡ, оолитлы. Төҫө күбеһенсә йәшкелт, алһыу, зәңгәрһыу. Ҡатылығы 5; тығыҙлығы 3000—3800 кг/м3, йәбешкәклеге камил түгел. Фосфорлы ашламалар, фосфор һәм уның берләшмәләрен етештереү өсөн сеймал. Көньяҡ Уралдың Әшә (Силәбе өлкәһе) һәм Һәләүек (Ишембай районы) фосфорит ятҡылыҡтарында А. микрокристаллы агрегаттары осрай.
А.А.Алексеев
Тәрж. Э.М.Юлбарисов
Дата публикации: 10.10.2019
Дата последнего обновления публикации: 22.09.2022
Связанные темы рубрикатора:
Энциклопедиялар: