АХУНЙӘНОВ Әнүәр Мәхмүт улы
АХУНЙӘНОВ Әнүәр Мәхмүт улы (3.2.1914, Бөрө ҡ. — 19.5.1986, Ҡазан ҡ.), тел белгесе. Филология фәндәре докторы (1967), профессор (1969). ТАССР‑ҙың атҡаҙанған фән эшмәкәре (1984). Б.В. һуғышында ҡатнашыусы. ЛДУ‑ны тамамлаған (1937). 1945—52 йй. Ҡазан педагогия институтында, 1955—59 йй. СССР ФА Ҡазан филиалының Тел, әҙәбиәт һәм тарих институтында, 1960 й. алып Ҡазан университетында эшләй. А. фәнни тикшеренеүҙәре дөйөм тел ғилеме, лексикография, сағыштырма лексикология, билингвизмға арналған. Күп кенә хеҙмәттәрендә урыҫ‑татар тел бәйләнештәре тарихының осорҙарға бүленеше, урыҫ теле менән татар теле үҙ‑ара бәйләнешенең төрлө этаптарындағы интерференция процесының функциональ‑структур үҙенсәлектәре өйрәнелә. 2‑се дәрәжә Ватан һуғышы (1945, 1985), Ҡыҙыл Йондоҙ (1945) ордендары менән бүләкләнгән.
Х е ҙ м.: Сопоставительное изучение национального своеобразия лексических значений. М., 1963; Русские заимствования в татарском языке. Казань, 1968; Контрастивная грамматика: морфология русского и тюркских языков. Казань, 1987.
Тәрж. Р.М.Шәрипова