Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

БРОДСКИЙ Пётр Абрамович

Просмотров: 1029

БРОДСКИЙ Пётр Абрамович (30.7.1935, Днепропетровск ҡ. — 26.11.2010, Израиль), инженер. Техник фәндәр докторы (1972), профессор (1985). БАССР‑ҙың атҡаҙанған фән һәм техника эшмәкәре (1976), РСФСР‑ҙың атҡаҙанған геологы (1986). Мәскәү химия-технология институтын тамамлағандан һуң (1957) Бөтә Союз геологик разведка скважиналарын геофизик өйрәнеү ғилми-тикшеренеү һәм проект-конструкторлыҡ институты (Октябрьский ҡ.) инженеры, 1972 й. алып директор урынбаҫары. 1977 й. башлап Тверь ҡ. эшләй: “Нефтегеофизика” ҒПБ директоры, 1982 й. — Геология һәм каротаж ҒТИ директоры, 1994 й. — “Геофизик разведка скважиналары” ҒПП‑ның генераль директоры. 1997—2001 йй. “Газпромгеофизика” АЙ‑ның (Мәскәү ҡ.) генераль директоры урынбаҫары. Фәнни эшмәкәрлеге ҡатламдарҙы каротаж кабеленә тоташтырылған приборҙар ярҙамында тикшереүҙең геофизик һәм гидродинамик ысулдарын эшләү менән бәйле. Скважиналарҙағы ҡатламдарҙы гидродинамик тикшереү өлкәһендә ғилми йүнәлеште ойоштороусы. 1993—94 йй. “Геофизика” журналының баш мөхәррире. СССР‑ҙың Дәүләт премияһы (1980), И.М.Губкин исемендәге премия (1983) лауреаты. Халыҡтар дуҫлығы ордены менән бүләкләнгән (1986).

  Х е ҙ м.: Опробование пластов приборами на кабеле. М., 1974 (авторҙ.).

К.В.Антонов

Тәрж. Э.М.Юлбарисов

Дата публикации: 10.10.2019
Дата последнего обновления публикации: 16.11.2022
Связанные темы рубрикатора: