ГЕВЛИЧ Авксентий Павлович
ГЕВЛИЧ Авксентий Павлович (12.6.1790 — 6.3.1861, Санкт‑Петербург ҡ.), дәүләт эшмәкәре. Тайный советник (1848). Тел ғилеме докторы (1815). Дворяндарҙан. Харьков университетын тамамлаған (1811). 1830 й. алып Әстерхан граждан губернаторы вазифаһын башҡарыусы, 1832 й. — Тула губернаторы. 1833 й. башлап Закондар департаменты буйынса дәүләт советы статс‑секретары вазифаһын башҡарыусы. 1835 й. апрелендә — 1840 й. майында Ырымбур граждан губернаторы. В.А.Перовский менән берлектә ихтилал (1835) баҫтырыуға һәм унда ҡатнашыусыларҙы тикшереүгә етәкселек итә. 1840 й. алып Сембер губернаторы. 1843 й. башлап ЭЭМ идаралығында, 1845 й. башлап Юстиция министрлығында хеҙмәт итә. 1848 й. алып сенатор. 2‑се (1853), 3‑сө (1835) һәм 4‑се (1820) дәрәжә Изге Владимир (1853), Аҡ Бөркөт (1859), 1‑се дәрәжә Изге Анна (1839), 1‑се дәрәжә Изге Станислав (1835) ордендары менән бүләкләнгән.
В.Г.Семёнов, В.П.Семёнова
Тәрж. Д.К.Үзбәков