ГОРШКОВ Василий Николаевич

ГОРШКОВ Василий Николаевич [17.12.1920, Өфө губернаһы Бөрө өйәҙе Байгилде а. (хәҙер БР‑ҙың Дүртөйлө районы) — 31.8.1944, Украин ССР-ы Микуличин ст. янында, Заречье а. ерләнгән], Советтар Союзы Геройы (1943). Кесе лейтенант (1944). Б.В. һуғышында ҡатнашыусы. Кесе лейтенанттар курстарын тамамлаған (1944). 1939 й. алып Дүртөйлө районы Сарлаҡ а. фельдшер. 1941 й. башлап Брянск, Воронеж һәм 1-се Украина фронттарында хеҙмәт итә. Герой исеменә 40‑сы армия 161-се уҡсылар дивизияһы 575-се уҡсылар полкы отделение командиры кесе сержант Г. 1943 й. 23 сентябрендә Украин ССР-ы Тахтемиров а. янында Днепр й. аша сыҡҡанда һәм уң яҡ ярҙағы плацдармды һаҡлап ҡалыуҙа күрһәткән батырлығы өсөн лайыҡ була. Ленин (1943), 1-се (1944) һәм 2-се (1944) дәрәжә Ватан һуғышы ордендары менән бүләкләнгән. Дүртөйлө ҡ. Г. һәйкәл ҡуйылған; урамға, Йәштәр үҙәгенә һәм паркка, Байгилде а. төп мәктәпкә, Дүртөйлө районы Миәҙәк а. урта мәктәпкә уның исеме бирелгән; тыуған ауылында йорт-музей асылған; Дүртөйлө районында йыл һайын Герой иҫтәлегенә волейбол буйынса турнир үткәрелә.

Әҙәб.: Вали А. Переправа //Славные сыны Башкирии. Кн.1. Уфа, 1965.

А.Н.Пинтсон

Тәрж. Д.К.Үзбәков