ГРАЧЁВ Иван Николаевич
ГРАЧЁВ Иван Николаевич [1903, Өфө губ. ш. уҡ исемле өйәҙе Үрге Углич а. (БР‑ҙың Ҡырмыҫҡалы р‑ны) — 20.10.1943, Украина ССР‑ы Ковпыта а.], Советтар Союзы Геройы (1943). Б.В. һуғышында ҡатнашыусы. 1928 й. алып Өфө р‑нының “Ҡарламан” с‑зында эшләй, 1938—41 йй. Йәрмәкәй р‑нының 8‑се Март ис. с‑зы дир. урынбаҫары. 1925—27 йй. һәм 1941 й. башлап Ҡыҙыл Армияла. 1941 й. сент. алып Брянск, Көньяҡ-Көнбайыш һәм Үҙәк фронттарҙа хеҙмәт итә. Герой исеменә 13‑сө армия 74‑се уҡсылар див. 78‑се уҡсылар полкының отделение ком. сержант Г. 1943 й. 23 сент. Белорус ССР-ы Комарин а. тирәһендә Днепр й. аша сыҡҡанда һәм уң ярҙағы плацдармды киңәйткәндә күрһәткән батырлығы өсөн лайыҡ була. Ленин орд. м‑н бүләкләнгән (1943). Г. исеме Үрге Углич, Ҡырмыҫҡалы р‑ны Ҡырмыҫҡалы, Йәрмәкәй р‑ны Йәрмәкәй һәм Ковпыта аа. урамдарға бирелгән; Йәрмәкәй а. уға бюст ҡуйылған (1991).
Әҙәб.: Вахитов Ф. Огненные тропы пехотинца //Славные сыны Башкирии. Кн.4. Уфа, 1979.
Тәрж. Д.К.Үзбәков