ДИФЕНИЛОЛПРОПАН

ДИФЕНИЛОЛПРОПАН, 4,4‑диоксифенилдиметилметан, бисфенол А, диан, (C₆H₄OH)₂С(СН₃)₂. Төҫһөҙ кристалл матдә; t_иреү 156—157°С, t_ҡайнау 250—252°С (1,7 кПа түбән баҫым аҫтында). Ацетонда, бензолда, спиртта, хлороформда, бер аҙ углеводородтарҙа һәм һыуҙа эрей. Тирене, тын юлдары һәм күҙҙең лайлалы тиресәһен ҡуҙғыта (ПДК 5 мг/м³). Башҡортостанда 1987 й. “Химпром” ПБ‑нда (ҡара: “Уфахимпром”) көкөрт к‑таһы ҡатнашлығында фенолды ацетон м‑н конденсациялау юлы аша Д. күп тонналап етештереү үҙләштерелә. Продукт А, Б һәм В тауар маркалары аҫтында сыға; 2004 й. алып Д. Өфө нефть эшкәртеү заводында етештерелә. Англия, Германия, Италия, Ҡытай, Финляндия һәм Францияға ебәрелә; Д. бер өлөшө төрлө эпоксид ыҫмалалары маркаларын һәм уларҙың композицияларын, гербицидтар алыу өсөн файҙаланыла.

Ғ.Ғ.Бикбаева

Тәрж. Р.Ғ.Ғилманов