Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ГУБИН Виктор Евдокимович

Просмотров: 546

ГУБИН Виктор Евдокимович (17.3.1919, Амур өлк. Александровское а. – 3.9.1996, Өфө), инженер-механик. Техник ф. д-ры (1973), проф. (1974). БАССР‑ҙың атҡ. фән һәм техника эшмәкәре (1969), СССР-ҙың нефть сәнәғәте  отличнигы (1969). И.М.Губкин ис. Мәскәү нефть ин-тын тамамлаған (1948). 1952—96 йй. (өҙөклөк м‑н) ӨДНТУ‑ла эшләй: 1952—58 йй. нефтте һәм газды күсереү һәм һаҡлау каф. мөдире, бер үк ваҡытта 1952 й. алып нефтемеханика ф-ты деканы, 1953 й. — уҡыу‑уҡытыу һәм фәнни эш б‑са дир. урынбаҫары, 1954 й. — дир., 1961—64 йй. — ректор, 1977 й. һыу м-н тәьмин итеү һәм канализация каф. мөдире, 1986 й. лаб. мөдире һәм бер үк ваҡытта 1991 й. тиклем “Аква-Био” пр‑тиеһы (Өфө) директоры. 1965—77 йй. Бөтә Союз нефтте һәм нефть продукттарын йыйыу, әҙерләү һәм күсереү ин‑ты ҒТИ‑нда: дир., 1976 й. алып лаб. мөдире. Фәнни тикшеренеүҙәре нефть һәм нефть продукттарын үткәргес торба транспорты ярҙамында күсереүгә бәйле. Г. нефттең реологик үҙенсәлектәре һәм уны күсереү технологияларының үҙ-ара бәйләнешлелегенең теоретик нигеҙҙәрен эшләй, нефтте һурҙырып бушатҡанда уның ҡуйылыҡ үҙенсәлектәре м-н идара итеүҙең технологик принциптарын нигеҙләй. Г. етәкс. илдә тәүге ДН-1 депрессаторы төҙөлә, сәнәғәт ағынты һыуҙарын ауыр металл иондарынан биохимик юл м‑н таҙартыу ысулы уйлап табыла. 150-нән ашыу фәнни хеҙмәт һәм 36 уйлап табыу авторы. Хеҙмәт Ҡыҙыл Байраҡ (1971) һәм “Почёт Билдәһе” (1966) орд. м-н бүләкләнгән.

Хеҙм.: Типовые расчёты при проектировании и эксплуатации нефтебаз и нефтепроводов. М., 1968 (авторҙ.); Трубопроводный транспорт нефти и нефтепродуктов. М., 1982 (авторҙ.).

Р.К.Напольская

Тәрж. Р.Ғ.Ғилманов

Дата публикации: 10.10.2019
Дата последнего обновления публикации: 17.10.2019
Связанные темы рубрикатора: