ЙӘРМӨХӘМӘТ, Туймазы р‑нындағы ауыл

ЙӘРМӨХӘМӘТ, Туймазы р‑нындағы ауыл, Ҡандра а/с ҡарай. Район үҙәгенән К.‑Көнс. 40 км һәм Ҡандра т. юл ст. Т.‑Көнс. табан 7 км алыҫлыҡта Оло Нөгөш й. (Өҫән й. ҡушылдығы) буйында урынлашҡан. Халҡы: 1906 й. — 1480 кеше; 1920 — 1574; 1939 — 1431; 1959 — 943; 1989 — 764; 2002 — 709; 2010 — 651 кеше. Башҡорттар йәшәй (2002). Төп мәктәп (2‑се Ҡандра урта мәктәбе филиалы), балалар баҡсаһы, фельдшер-акушерлыҡ пункты, мәҙәниәт йорто, китапхана, мәсет бар. Ауылға Ҡазан даруғаһы Ҡаңлы улусы башҡорттарының аҫаба ерҙәрендә 1738 й. керҙәшлек килешеүе б‑са ш. уҡ даруғаның Йылан улусы Ҡаса а. башҡорттары нигеҙ һала. 18 б. 2‑се ярт. бында ш. уҡ шарттарҙа Себер даруғаһының Әйле улусы башҡорттары күсеп ултыра. 1795 й. 31 йортта 245 кеше йәшәгән, 1865 й. 143 йортта — 894 кеше. Игенселек, малс‑ҡ м‑н шөғөлләнгәндәр. 2 мәсет, училище, 3 һыу тирмәне булған. 1906 й. 2 мәсет, 2 тирмән, бакалея кибете, мөгәзәй теркәлгән. Ә.С.Дауытов, Н.Я.Ҡотдосов ошо ауылда тыуған.

Ш.У.Сәмиғуллина, Ә.З.Әсфәндиәров

Тәрж. Р.Ғ.Ғилманов