ӘМИРОВА Зарема Ҡәнзәфәр ҡыҙы

ӘМИРОВА Зарема Ҡәнзәфәр ҡыҙы (28.8.1951, Өфө ҡ.), химик. Биология фәндәре докторы (2000). БДУ‑ны тамамлағандан һуң (1973) Нефтехимия производстволары ҒТИ‑нда эшләй (1983 й. башлап лаборатория мөдире). 1993 й. алып Башҡортостан республика ғилми‑тикшеренеү экология үҙәгендә: фәнни эштәр буйынса директор урынбаҫары, 2010 й. башлап директор; 2014 й. алып БР Тәбиғәтте файҙаланыу һәм экология министрлығының Дәүләт аналитик контроле идаралығында бүлек начальнигы, бер үк ваҡытта БДПУ‑ла лаборатория мөдире, 2005 й. башлап уҡытыусы. Фәнни тикшеренеүҙәре полихлорлы бифенилдар, диоксиндар, пестицидтар һ.б. экотоксиканттар менән тирә‑яҡ мөхиттең бысраныуы проблемаларына арналған. Ә. ҡатнашлығында БР, Волга буйы, Арктика, Чечня респ., Себер һ.б. территорияларҙа диоксиндарҙың кеше организмындағы, аҙыҡ продукттарындағы һәм тирә‑яҡ мөхиттәге (ҡар ҡатламы, тупраҡ, һыу) күләмен билдәләү буйынса тикшеренеүҙәр үткәрелә

   Х е ҙ м.: Методы определения диоксинов и родственных соединений и их применение в медицине для оценки последствий на здоровье человека на системном уровне. М., 2010 (авторҙ.); Новые стойкие органические супертоксиканты и их влияние на здоровье человека. М., 2016 (авторҙ.); Стойкие органические соединения в атмосферном воздухе урбанизированных территорий России (Мониторинг СОЗ методом пассивного пробоотбора). 2‑е изд., исправл. и доп. Уфа, 2017 (авторҙ.).

Тәрж. Г.А.Миһранова