БАТУРИН Юрий Ефремович

БАТУРИН Юрий Ефремович (3.3.1936, БАССР‑ҙың Благовещен р‑ны Александровка а. — 25.4.2019, Төмән ҡ.), тау инженеры. Техник ф. д‑ры (1989), проф. (1991). РСФСР‑ҙың атҡ. нефть һәм газ сәнәғәте хеҙм‑ре (1987), Төмән өлк. почётлы нефтсеһе (1986). И.М.Губкин ис. Мәскәү нефтехимия һәм газ сәнәғәте ин‑тын тамамлағандан һуң (1959) Татарстан ҒТИ (Бөгөлмә ҡ.) хеҙм‑ре. 1966 й. алып Төмән ҡ.: “Гипротюменнефтегаз” ин‑тында (лаб. етәксеһе; 1967—71 йй. Алжирҙа командировкала була), 1975 й. башлап Себер нефть сәнәғәте ҒТИ‑нда (1986 й. алып дир. урынбаҫары) эшләй. 1993 й. алып “СургутНИПИнефть” ин‑тының Төмән бүлексәһе дир., 2012 й. —“Сургутнефтегаз” ААЙ‑ның геология һәм ятҡылыҡты үҙләштереү б‑са баш геолог советнигы‑ген. дир. урынбаҫары. Фәнни эшмәкәрлеге Көнбайыш Себерҙең ер аҫтын үҙләштереү һәм нефть-газ комплексы үҫеше проблемаларына арналған. Б. тарафынан нефть-газ ятҡылыҡтарын (ш. иҫ. сығарыуы ауыр булған запастар м‑н) үҙләштереүҙе проектлауҙың методикаһы һәм автоматлаштырылған системаһы эшләнгән. Б. етәкс. Рәсәй (Лянтор, Самотлор, Фёдоровка һ.б.) һәм Алжир ятҡылыҡтарын үҙләштереү б‑са 200‑ҙән ашыу проект эше башҡарылған. 300‑ҙән ашыу фәнни хеҙмәт һәм 66 уйлап табыу авторы. РФ‑тың фән һәм техника өлкәһендәге Дәүләт пр. лауреаты (2016). “Почёт Билдәһе” орд. м‑н бүләкләнгән (1975).

Хеҙм.: Совершенствование систем разработки нефтяных месторождений Западной Сибири. Свердловск, 1975 (авторҙ.).

Тәрж. Р.Ғ.Ғилманов