“БАШҠОРТОСТАН” ҡунаҡхана комплексы
“БАШҠОРТОСТАН” ҡунаҡхана комплексы, ЯСЙ. Өфөлә урынлашҡан. 6 ҡатлы бинала (архитектор В.В.Максимов проекты) 114 номер, ресторан бар. 1941 й. “Башҡортостан” ҡунаҡханаһы булараҡ файҙаланыуға тапшырыла, 1997 й. алып ЯАЙ, 2002 й. хәҙ. статусын ала. 1997—2002 йй. бинаға яңыртыу үткәрелә (архитектор П.А.Винкельман). Бөйөк Ватан һуғышы йылдарында бында А.А.Богомолец етәкс. Украина ССР‑ы ФА эргәһендәге оборонаға ярҙам итеү фәнни-техник ком‑ты урынлаша; 26‑сы Рыбинск мотор з‑ды (ҡара: Өфө моторҙар эшләү производство берекмәһе) белгестәре, Коммунистик Интернационал башҡарма комитеты эшмәкәрҙәре, яҙыусылар С.Нерис, Н.С.Рыбак, М.Ф.Рыльский йәшәй. Бина — БР‑ҙың тарихи ҡомартҡыһы (1987).
Д.Ғ.Күскилдин
Тәрж. Р.Х.Сәғитов