АГАРОНОВ (Агоронян) Ашот Моисеевич

АГАРОНОВ (Агоронян) Ашот Моисеевич (4.11.1895, Тифлис ҡ. — 21.8.1962, Бразилия, Ереван ҡ. ерләнгән), акушер-гинеколог. Медицина фәндәре докторы (1940), профессор (1935). БАССР‑ҙың (1945), Әрмән ССР‑ының (1961) атҡаҙанған фән эшмәкәре. Киев университетын тамамлаған (1918). БДМИ‑ның акушерлыҡ һәм гинекология кафедраһына нигеҙ һалыусы һәм уның тәүге мөдире (1935—45). Фәнни тикшеренеүҙәре ҡатын‑ҡыҙ ауырыуҙары ваҡытында эндокрин боҙолоуҙарҙы диагностикалау һәм дауалау ысулдарын эшләүгә бәйле. Бөтә Рәсәй акушер-гинекологтар йәмғиәтенең Башҡортостан филиалы рәйесе (1936—45).

 Х е ҙ м.: Очерки акушерской патологии и оперативное акушерство. М., 1953 (авторҙ.); Оперативное акушерство: Краткое руководство для врачей и студентов.  Ереван, 1963.

Тәрж. Г.Ҡ.Ҡунафина