АСҠАРОВА Заһира Фәтхулла ҡыҙы

АСҠАРОВА Заһира Фәтхулла ҡыҙы (2.1.1948, БАССР‑ҙың Балтас р‑ны Иҫке Яҡшый а.), терапевт, гигиенист. Мед. ф. д‑ры (2004). БДМИ‑ны тамамлағандан һуң (1972) Өфө гигиена һәм һөнәри ауырыуҙар ҒТИ‑нда эшләй; 1977 й., 1991 й., 1996 й. алып БДМУ‑ла уҡыта. 1983 й. башлап һәм 1992—95 йй. Өфөнөң 21‑се һәм 6‑сы дауаханаларында эшләй. Фәнни эшмәкәрлеге БР халҡы һаулығы торошон, тирә-яҡ мөхиттең химик бысраныуы халыҡ һаулығына хәүеф тыуҙырыуын өйрәнеүгә арналған. 120‑нән ашыу фәнни хеҙмәт авторы.

Хеҙм.: Профессиональный риск для здоровья работников горнодобывающих предприятий. СПб., 2010 (авторҙ.).

Тәрж. Г.Ҡ.Ҡунафина