БЫЧКОВА Маргарита Александровна
БЫЧКОВА Маргарита Александровна (14.1.1925, Өфө ҡ. — 2014, шунда уҡ), педиатр. Медицина фәндәре докторы (1976), профессор (1978). Е.А.Медведеваның апаһы. БДМИ-ны тамамлағандан һуң (1947) Әлшәй районында эшләй, 1949 й. алып Өфө ҡала башҡарма комитетының һаулыҡ һаҡлау бүлегенең баш педиатры. 1967—92 йй. БДМИ‑ла уҡыта (1974—85 йй. балалар ауырыуҙары пропедевтикаһы кафедраһы мөдире), бер үк ваҡытта 1980—85 йй. БАССР Һаулыҡ һаҡлау министрлығының баш гастроэнтерологы. Фәнни хеҙмәттәре балаларҙың оҙайлы һәм хроник ашҡаҙан-эсәк юлы ауырыуҙары осоронда ашҡаҙан аҫты биҙе патологияһын өйрәнеүгә арналған. Б. балалыҡ осоронда панкреатитты дауалау өсөн урындағы тәбиғәттең шифалы факторҙарын файҙаланырға тәҡдим итә.
Тәрж. И.М.Аҡъюлов