ГОРБУНОВ Игорь Алексеевич

ГОРБУНОВ Игорь Алексеевич (12.7.1941, Ырымбур ҡ. — 22.9.2022, Өфө ҡ.), совет партия-дәүләт эшмәкәре. ӨНИ‑не тамамлаған (1965). 1959—61 йй. Өфө синтетик спирт заводында эшләй. 1966 й. алып Өфө химия заводында: 1971 й. башлап лаборатория начальнигы, 1973 й. — КПСС комитеты секретары урынбаҫары. 1978 й. башлап КПСС‑тың Башҡортостан өлкә комитетында (1987 й. алып бүлек мөдире), 1989 й. — КПСС‑тың Орджоникидзе район комитетында, 1990 й. февраленән КПСС‑тың Башҡортостан өлкә комитеты ваҡытлы бюроһы рәйесе, 1990 й. майы — 1991 й. ноябрендә РСФСР Коммунистар партияһы Башҡортостан республика ойошмаһының 1‑се секретары. 1991 й. алып Өфө ҡ. “Восток” халыҡ-ара коммерция акционерҙар банкыһында, 1996 й. — “Башкирнефтепродукт” ААЙ‑нда, 2002—11 йй. “Газпромбанк” ААЙ филиалында административ эштә.

Тәрж. Д.К.Үзбәков